Fransa parlamentində etiraz: Yeni Kaledoniya haqqını tələb edir

“Fransa hökuməti 1998-ci ildə əldə edilmiş razılığa zidd olaraq müstəmləkəçilik məskunlaşmasını qanuniləşdirir. Qərəzlilik bu gün müzakirələrin nəticəsiz qalmasına səbəb olur. Dövlət anlamalıdır ki, ağıllı addımların atılmasının vaxtı çatıb”.

Bunu Yeni Kaledoniyanı Fransa Senatında təmsil edən senator Robert Xovie parlamentin yuxarı palatasında çıxışı zamanı deyib. O söyləyib ki, kanak xalqı fransız xalqının düşməni deyil:

“O, 70 illik müstəmləkə tarixinə son qoymaq istəyir. Hökumət sentyabrın 6-da konstitusiyaya yenidən baxılmasına əsas olacaq bir razılaşma layihəsini təqdim edib. Bu sənəd Kaledoniya sakinlərinin Yeni Kaledoniyanın Fransanın bir hissəsi olaraq qalmasını istədiklərini ifadə etmələri ilə başlayır. Kaledoniya tarixçisi Jose Barbanson Kaledoniya xalqının kanak xalqı olmadan mövcud olmadığını söyləyirdi”.

Senator əlavə edib ki, Fransanın Yeni Kaledoniyada keçirdiyi sonuncu referendum BMT tərəfindən qəbul olunmayıb: “Bu, Yeni Kaledoniyanın dekolonizasiya olunmalı olan ərazilər siyahısından çıxarılması üçün Fransanın bir bəhanəsi olub. Həmçinin Fransanın davranışları Numea sazişini konstitusiya dəyərindən məhrum edərək onu əvəz etmək məqsədi daşıyır”.