Əl yandıran restoran qiymətləri | Sakinlər bayramı necə keçirəcək?

Xalqımız milli adət-ənənimizi özündə ehtiva edən tarixi bayramımız Novruzu qeyd edir. Təəssüf ki, bayram günlərində demək olar ki, bütün restoranlarda qiymətlər yeri gəldi-gəlmədi bahalaşır.

İyaişə obyektlərində təşkil olunan əyləncəli proqramlarda müğənnilərin ifası üçün müştəridən hətta 15-20% xidmət haqqı da tələb edilir.

Baxmayaraq ki, Novruz bayramını tarix boyu hərə öz evində, ocağında keçirib, ancaq müasir trendlərlə ayaqlaşmağa çalışan cəmiyyətimizin nümayəndələri baha olsa da, restoranlara da üz tutur. Lakin qiymətlərdən narahat olanlar bayramı evində, ailəsi ilə birgə keçirməyə üstünlük verir.

Baku TV bu mövzu ətrafında sakinlərlə sorğu keçirib. Sakinlərin çoxu bayramı öz evlərində keçirəcəklərini deyiblər:

“İmkanımız yoxdur, restorana gedə bilmirik. Buna görə də bayramı evdə qeyd edəcəyik”.