"Hər şeyi onlara borcluyuq" | Sakinlər Azərbaycan Ordusunun əzmindən danışdı - Baku TV

26 İyun – Silahlı Qüvvələr Günü Azərbaycan xalqının qürurla qeyd etdiyi ən əlamətdar günlərdən biridir. Bir əsrdən artıq keçdiyi tarixi yol xalqımızın qürur mənbəyidir.

Prezident İlham Əliyevin rəhbərliyi ilə Ordumuz Vətən müharibəsində göstərdiyi şücaətlə regionun ən güclü ordularından biri olduğunu sübut etdi.

Sakinlər bu əlamətdar günlə bağlı təəssüratlarını Baku TV ilə bölüşüblər.

“Ordumuzla fəxr edirik. Övladlarımızı da vətənpərvər ruhda böyüdürük ki, gələcəkdə Vətənimizə, millətimizə xeyirli vətəndaş olsunlar”, – onlardan biri söyləyib.

Digər bir sakin isə qeyd edib:

“Biz hər zaman Silahlı Qüvvələrimizlə fəxr etməliyik. Onlar 44 günlük müharibədə də öz sözlərini dedilər, torpaqlarımızı işğaldan azad edərək başımızı uca etdilər”.