Erməni bloger Xankəndi gerçəkliklərini etiraf etdi

Erməni bloger Roman Baqdasaryan Qarabağdakı separatçıları növbəti dəfə ifşa edib.

Bloger Qarabağda ermənilərin azərbaycanlıların dövründə daha yaxşı yaşadıqlarını bildirib: “1988-ci ildə hər birimiz işləyirdik. Azərbaycanın tərkibində azərbaycanlılarla birgə Qarabağda və digər yerlərdə çox yaxşı yaşayıb-dolanırdıq, yaxşı qazanırdıq. Zori Balayan, Bako Saakyan və Qarabağ klanı oranı xaraba qoydu, hamını bədbəxt elədilər. Görün Bako Saakyan, Arkadi Qukasyan, Araik Arutyunyan Qarabağda yaşayan erməniləri nə günə qoyublar? Xankəndidə heç kim işləmək istəmir, amma havayı yemək istəyirlər. Nikol Paşinyana da nifrət edirlər. Çünki Paşinyan deyir ki, yaxşı yaşamaq üçün işləmək lazımdır”.

O qeyd edib ki, ermənilərin kifayət qədər əraziləri var və bütün kəndlər, demək olar ki, boşdur. Bloger Xankəndidə “aclıq”dan danışanlara da münasibət bildirib.

“Bəlkə siz doğruları danışasınız? Xankəndi sakinləri elə bilirlər ki, onlar Milanda, Stokholmda yaşayırlar? Xeyr, Xankəndi böyük kənddir. Nəyə görə digər kəndlərdə insanlar işləyirlər və yaxşı yaşayırlar, siz isə əziyyət çəkmək istəmirsiniz? Bizim bədbəxtçiliyimiz bundadır”, – deyə o əlavə edib.