AZAL prezidenti qəzadan danışdı | Səbəblər barədə bütün məlumat veriləcək
“Dekabrın 25-i dəhşətli bir qəza baş verdi. Çox təəssüflə qeyd etmək istərdim ki, qəza nəticəsində 30-dan çox sərnişin və bir neçə ekipaj üzvü həyatını itirib. Ekipaj üzvlərimiz işlərini qəhrəmancasına gördükləri üçün 20-dən çox sərnişin sağ qalıb”.
Bu sözləri jurnalistlərə açıqlamasında “Azərbaycan Hava Yolları” Qapalı Səhmdar Cəmiyyətinin prezidenti Samir Rzayev deyib.
O bildirib ki, məsələ dərindən araşdırılır: “Qəzanın səbəbləri müəyyənləşdiriləcək və ətraflı məlumat veriləcək. Dərdimiz böyükdür. Faciədə həyatını itirənlərin hər birinə Allah rəhmət eləsin”.
S.Rzayevin sözlərinə görə, qəzanın “qara qutu”su artıq tapılıb və onun təhlili üçün beynəlxalq aviasiya konvensiyalarına uyğun prosedurlar həyata keçirilir:
“Təyyarə oktyabr ayında tam təmirdən çıxıb, texniki baxışdan keçib və uçuşları 15 min saatdan çox olan təcrübəli pilotlar tərəfindən idarə edilirdi. Buna baxmayaraq, hadisənin səbəbləri araşdırılır”.
AZAL rəhbəri vurğulayıb ki, hazırda Aktau şəhərində olan sağ qalmış sərnişinlərin və dünyasını dəyişənlərin cəsədlərinin Azərbaycana geri qaytarılması üçün hazırlıqlar görülür.
#Təyyarə qəzası teqi istifadə olunub
- Qazaxıstandan məlumat | AZAL təyyarəsinin qəzası ilə bağlı araşdırmanın nəticələri...
- Dubayda partlayan “Tejas”ın pilotu həlak olub
- “Birinci quyruğu ayrılıb, sonra...” | Türkiyə təyyarəsi barədə ilkin tapıntılar nəyi ortaya çıxardı?
- Ərdoğandan təyyarə qəzası ilə bağlı yeni açıqlama
- Qəza anında pilotlar nə danışıb? | Türkiyə təyyarəsinin qara qutuları ilə bağlı vacib məlumat
