Kütləvi məzarlıqda tapılan digər qalıqların kimliyi müəyyənləşdirilir

“Kütləvi məzarlıqda tapılan qarışıq sümüklərin identifikasiya prosesi gedir”.

Bunu Baku TV-yə açıqlamasında Səhiyyə Nazirliyinin Məhkəmə-Tibbi Ekspertiza və Patoloji Anatomiya Birliyinin direktoru Ədalət Həsənov deyib.

“Yeni axtarışlar və qazıntı ekskumasiya işləri aparılır. Bizim başqa bir briqada hazırda Baş Prokurorluğun əməkdaşları ilə birlikdə Xocalının yaxınlığında sümüklərin axtarışını davam etdirir. Qalıqların bir hissəsi artıq tapılıb, digərlərinin axtarış işləri gedir”, – o qeyd edib.