Sənədsiz evlərlə bağlı yenilik | "Kupça" verilməməsinə səbəb bu idi ki...

Azərbaycanda çıxarışı olmayan fərdi evlərin sayı yüzminlərlədir.

Problemin səbəblərindən biri də belə evlərin yaşayış məntəqəsi yox, digər təyinatlı torpaqlarda tikilməsidir. Nəticədə sözügedən amil həmin ərazilərdə tikilən evlərin sənədləşdirilməsində problemə çevrilir.

Xatırladaq ki, Prezident İlham Əliyev sentyabrın 28-də imzaladığı fərmanla “Torpaqların kateqoriyalara aid edilməsi və onların bir kateqoriyadan digərinə keçirilməsi Qaydaları”nı təsdiq edib.

Belə olan halda adıçəkilən qayda bu məsələni həll etməyə imkan verəcək?

Daşınmaz əmlak eksperti Elnur Fərzəliyevin sözlərinə görə, yeni dəyişikliklə yaxında bu tipli əmlakların çıxarışlarının verilməsi mümkün olacaq.

“Sözügedən evlərlə bağlı müxtəlif sərəncam və fərmanlar olsa da, uzun illərdir prosesin həyata keçirilməməsinin əsəs səbəbi torpaq sahələrinin təyinatının dəyişdirilməsi haqqında qərarın olmaması idi”, – deyə ekspert əlavə edib.