Pleyeri seçin:
758 metrlik tikilini torpaq sürüşməsi yararsız hala saldı
Çinin cənub-qərbindəki Siçuan əyalətində strateji əhəmiyyət daşıyan, ölkənin mərkəzi bölgələrini Tibet muxtar rayonu ilə birləşdirən magistralda yerləşən və yaxın zamanda istifadəyə verilmiş Huntsi körpüsünün bir hissəsi uçub.
Bu barədə "Reuters" məlumat yayıb. Hadisə nəticəsində heç kim xəsarət almayıb.
Qeyd olunub ki, ətraf yamaclarda və yol örtüyündə çatlar, eləcə də dağ massivində sürüşmələr aşkar edildikdən sonra 758 metrlik körpüdə hərəkət bir gün əvvəl tam dayandırılıb.
Sürüşmə fəaliyyətinin artması sel axınlarına səbəb olub ki, bu da giriş estakadası və yol örtüyünün bir hissəsinin dağılmasına gətirib çıxarıb.
Qeyd edək ki, obyektin tikintisi bu il başa çatdırılmışdı.
Kopyalandı
#Çin teqi istifadə olunub
Seçilmişlər
