Putin və Lukaşenko İttifaq dövləti üçün sənəd imzaladı

Rusiya və Belarus prezidentləri – Vladimir Putin və Aleksandr Lukaşenko 2024-2026-cı illər üçün İttifaq dövlətlərinin yaradılması haqqında müqavilənin müddəalarının həyata keçirilməsinin əsas istiqamətləri haqqında fərman imzalayıblar.

Bu barədə “RİA Novosti” məlumat yayıb. Bildirilib ki, tərəflər İttifaq dövlətlərinin Ali Dövlət Şurasının Sankt-Peterburqda baş tutan iclasının yekunlarına dair sənədlər imzalayıblar.

Qeyd edək ki, ötən həftə Birlik Dövlətlərinin dövlət katibi Dmitri Mezentsev bu fərmanı hazırlamaq üçün müxtəlif sahələr üzrə hökumət planlarının hazırlanacağını, 3 illik planın Baş nazirin müavinləri tərəfindən təsdiqlənəcəyini söyləyib.