Rubinyan üçtərəfli razılaşmadan danışdı | Bunlar onların son absurd ittihamlarıdır…
Nikol Paşinyan iqtidarı Rusiyanı Cənubi Qafqazdan sıxışdırıb çıxarmaq istəmir.
Erməni mediası xəbər verir ki, bu sözlər Ermənistan parlamentinin vitse-spikeri, Türkiyə ilə danışıqlarda Ermənistanın xüsusi nümayəndəsi Ruben Rubinyan tərəfindən səslənib.
Onun sözlərinə görə, Ermənistan müxalifətinin Ermənistan hakimiyyətinin Rusiya Federasiyasının getməsini, Türkiyənin onun yerini tutmasını istəməsi ilə bağlı bəyanatları yalandır və həqiqətə uyğun deyil.
“Faktlar onu göstərir ki, Rusiya özü buradan gedir. Qarabağda yerləşən və üçtərəfli razılaşmaya əsasən, ən azı daha bir neçə il orada qalmalı olan Rusiya sülhməramlılarını ölkədən çıxaran, şübhəsiz ki, rəsmi İrəvan deyil”, – deyə R.Rubinyan yerli İctimai Televiziyaya müsahibəsində bildirib.
Onun fikrincə, Ermənistan məsələsində indiki müxalifətin etdiyi kimi Suriyadakı hadisələrlə paralellər aparmağa dəyməz.
“Bunlar onların son absurd ittihamlarıdır. Mən Suriya və Cənubi Qafqazın kontekstini müqayisə etməyin tamamilə yersiz olması faktını belə demirəm”, – deyə erməni rəsmisi qeyd edib.
#Ermənistan teqi istifadə olunub
- Azərbaycan niyə Ermənistana məhkumları təhvil verdi? - QƏRBİ AZƏRBAYCAN XRONİKASI
- Lavrov Ermənistana xəbərdarlıq etdi
- “Gərginliyin azalması iqtisadi nəticələr verməyə başlayıb”
- Paşinyan Azərbaycan-Ermənistan münasibətlərindən danışdı - Baku TV
- "Bizim üçün adi vəziyyət deyil" - Ermənistan Prezidentindən Azərbaycanla bağlı açıqlama - Baku TV
