AZAL-ın təyyarəsinin düşdüyü qəza ilə bağlı vacib məlumat

AZAL-a məxsus təyyarənin Aktau şəhəri yaxınlığında qəzaya uğramasını araşdıran Qazaxıstanın hökumət komissiyasının apardığı təhqiqatın ilkin nəticələri yanvarın sonunda açıqlanacaq.

Bu barədə “Report”un Qazaxıstan bürosuna Nəqliyyat və Kommunikasiyalar Nazirliyinin mətbuat xidmətindən bildirilib.

Belə ki, Qazaxıstanda ölkə qanunvericiliyinin və Beynəlxalq Mülki Aviasiya Təşkilatının 13 saylı əlavəsinin tələblərinə uyğun olaraq, qəzanın baş verdiyi tarixdən 30 gün sonra təhqiqatın ilkin və ya aralıq nəticələri elan ediləcək.

Nazirlikdən həmçinin bildirilib ki, qəza ilə bağlı beynəlxalq ekspertlərin araşdırması davam edir. Komissiya araşdırmanı 12 ay ərzində başa çatdırmağı planlaşdırır.