İranı İsrailə hücumdan nə çəkindirə bilər? | Təhlükəsizlik rəsmisindən təcili açıqlama

İsrailin Baş naziri Benyamin Netanyahu hökumətinin HƏMAS qruplaşması ilə danışıqları gecikdirdiyi aydınlaşarsa, İran və onun müttəfiqləri, o cümlədən “Hizbullah” İsrailə birbaşa hücuma keçəcək.

Bunu adı açıqlanmayan İranın yüksəkrütbəli təhlükəsizlik rəsmisi “Reuters”ə müsahibəsində deyib.

İranın daha üç rəsmisi Qəzzada atəşkəs danışıqlarının nəticə vermədiyi halda İranın İsrailə hücum edəcəyi barədə xəbərdarlıq edib. Onlar da qeyd ediblər ki, yalnız İsrail və HƏMAS-ın atəşkəs razılaşması əldə etməsi İranı İsrailə birbaşa hücumdan çəkindirə bilər.

Qeyd edək ki, Dohada İsrail-HƏMAS danışıqları bu gün də davam etdirilir.