Cəmiyyət
Pleyeri seçin:
Bilgəh çimərliyində vətəndaşlardan ödəniş tələb etdilər | Baku TV çəkdi
Bilgəhdə vətəndaşların istirahəti üçün nəzərdə tutulan çimərlikdə avtomobillərin parklanması üçün ödəniş tələb olunur.
Sözügedən ərazidə olan Baku TV əməkdaşları bu ödənişin nə üçün tələb olunduğunu araşdırmağa çalışıblar.
Sanatoriya mərkəzinin meneceri Coşqun Qənbərov ərazidə 3 işçisinin işlədiyini, bu səbəbdən parklanma üçün ödəniş almağa haqqı olduğunu bildirib:
“Ərazi gündə 3 dəfə təmizlənir. Bəli, mən alıram 2 manatı, niyə də almayım? Çünki mən vətəndaşa xidmət göstərirəm. Əgər xidmətim göz qabağında deyilsə, siz mənə irad bildirə bilərsiniz. Burada şlaqbaumdan içəri girəndə biz 2 manat ödənişi tələb edirik. 3 manat alınması isə qanunsuzluqdur. Biz sadəcə aldığımız 2 manatın müqabilində xidmət göstəririk”.
Qeyd edək ki, ictimai çimərliklər vətəndaşlar üçün ödənişsizdir. Vətəndaşlar yalnız hansısa xidmət müqabilində ödəniş etməlidirlər.
Kopyalandı
Seçilmişlər
